|
Habaar Qabbe, Dhagar Qabbe,
Xaraan Ku Naaxe, Belo Abuure, Xumaan Ka Taliye, Xaq Soorka
Diide. (X.Carab)
Wanaaga iyo Xumaanta ayaa ah Labo Sheey
oo Si weyn isu Diidan oo Marna aan Hal Dhinac
Isu raaci kareen, Waana labo Waji oo Kala Fiican kala Wanaagsan
kala Qiimo Badan, Waana
Cadahay Sidda loo kala Jacel-yahay Xumaanta iyo Wanaaga.
Hadaba, Waxaa Arrin la Yaabkeeda leh Magacyadda iyo Habka
eey Astaamaha gaarka ah u
kala Qaateen Shakhsiyaadka ku Magacaaban Madaxdda ama Masuuliinta
Iyo Qabqalayaasha
Somaaliyeed ee Qaska iyo Rafaadka Joogtadda ah ka Wadada Dalka
Hooyo ee Curyaansan
kana Hadhay Caalamka ama Aduunyadda Socota oo Horumarka iyo
Mustaqbalka Wacan ku
Taameeysa, Bal kuwa Wanaaga iyo Habka Dhisidda iyo Hogaaminta
Fiican laga Sugaayo Eeg
Magacyadda iyo Sifooyinka eey leeyihiin ama eey ku Caan baxeen,
kana Turjumaaya
Ficilada iyo Talaabooyinka Khaldan oo eey Geeysteen, Waana
Wax laga Xumaado Marka aad Maqsho
Tilmaamo ama Naaneeysaha eey Jacaeyl Yihiin Waxa eey Yihiin:-
-Habaarane ama Habaar Qabbe.
-Dhagar Qabbe ama Gacan Ku Dhiiglle.
-Xaraan Ku Naaxe ama Xaraan Quutte.
-Belooyo Abuure ama Belaayo Aabaheed.
-Xumaan Ka Taliye ama Xasarad Doone.
-Xaq Soor Diide ama Xaq ku Xajiimoode.
-Umala Dooxe ama Deris Xasuuqe.
-Darooge Beere ama Darooga ka Taajirre.
-Dulmi u Heeshe ama Samaanta Diide.
-Qorri ku Faane Qalainka ka Boode.
-Qaranka Dumiye Qalo u Hiishe.
-Dadkiisa Diide Cadow u Roore.
-Nidaamka Ka Carre
-Aqoonta Diide Jahliga Raace.
-Muslinka Diide Munaafaq Doone.
-Masaakinta Laaye Xanaanka Diide.
-Xusuuq ku Faane.
-Xishood ka Roore.
-Xasarad Socota.
-Af-lagaado Socota.
-Sheeydaan Hagoogan.
-Balan ma Oofshe.
-Amaano Lumiye.
-Run Ma Sheege.
-Dhibaato Dhaliye.
-Dhalaanka Laaye.
-Dhaqan Xumeeye.
-Wadadda Gooye, Ceelasha Gufeeye.
-Iskuula Dumiye.
-Daryeelka Diide.
-Caqliga Diide, Caadifada Qaate.
-Somaali-diidka.
-Talo Ma Keene, Talo Ma Qaate.
-Awood ku Faane, Amaanka Diide.
-Qas Iyo Dhibaato Mudaanta Siiye.
-Wanaaga, Nabada, Samaanta intaba ka Roore, Waa in Yar oo
Tusale ah Magacyada ama
Sifooyinka iyo Tilmaamaha eey Leeyihiin Qabqablayaasha Somaaliyeed
oo hadda ah kuwo
Ka Tirsan Golaha Barlamaanka Iyo Xukuumadda Geedi ama kuwo
Xubno ka ah Dowladda loo
Dhisan Madaxweyne- C/Laahi Yuusuf ee Labadda Garab u kala
Fadhidda Jowhar ama Xarunta
Maxamed Dheere iyo Muqdisho ama Xarunta Hogaamiyaasha Hubeeysan.
Maadaama Sawirka Xaqiiqada ahi Sidaas Yahay Dareenkooduna
Iyo Qaabka Dadnimadoodu
ku Saleeysan yahay Qaabka Magacyadda iyo Sifooyinka eey Wataan
oo Dhammantood ah
Kuwo ka Turjumaaya Dhanka Xumaanta iyo Belaayo Ka Talinta,
Qas Wadidda iyo Dhibka
Joogtada ah ee Dadka iyo Dalka Hooyo Ka taagan, Madaama eey
yihiin Kuwo Wanaaga,
Samaanta, Qaranimadda, Dowladnimadda, Cadaaladda, Sinaanta,
Xaq Soorka, Nidaamka
iyo Wadda Jirka iyo Midnimadda Ummadda Diidan, ku Xajiimooda
Habka Toosan,Hanaanka
Kala Dameeynta iyo Hogaaminta Fiican, Sharcigga iyo Illaalinta
Xuquuqdda Dadka, Isla
Markaana eey Yihiin kuwo Cabsi Weyn ka Qaba Xisaabtanka iyo
Abuuridda Maxkamadda
Gaar ah ee Dambiilayaasha Somaaliyeed, Tacadiyadda iyo Falalka
Xadgudub oo eey ku
Kaceen ma Geeysteen eey Ogyihiin Culeeyskooda iyo xanuunka
Weyn oo Ummadda inteda
Badan u Geeysteen, Wanaaga iyo Waji Fiicani u Oolin Bulshadda
Dhexdeeda, ayaa Keentay
in eey ku Adkeeystaan Adeegsigga Qorigga iyo Awooda Meleeshiyaadka
Calooshooda u
Shaqeysta Markii Horena lagu Abaabulay Habka iyo Qiiradda
iyo Caadifada Qabyaaladeed.
Bal Ila eega kuwa eeynu ka Sugeeno Qaran Dhisidda iyo Soo
Nooleeynta Dawladnimadda
Somaaliyeed oo Gacanta Weyn ku Leeyihiin Dumisteeda iyaga
iyo Kuwii ahaan Jiray ama
Xukunka Dalka ku Soo Gaaray Magcii iyo Sharftii Weynd ee uu
Lahaan Jiray Ciidanka Xooga
Dalka Somaaliyeed(Kacaankii 21 Ok) oo Dalka iyo Dadkaba u
Horseeday Burburka, Colaada,
Xasuuqyadda, Ka Fogeeynta Bulshadda, Qabyaalad Nooleeynta,
Cadaalad La,anta, Sinaan
Diidka, Habkii Keligii Taliye-nimadda, Waxaa Haboon ama Xaq
ah in La Helo Cadaalad iyo
Hanaan Xaq Soor dhab leh oo lagu Abaal mariyo Dambiilayaasha,
Gacan ku Dhiiglayaasha
iyo Dhaan kuwii Falka Tacadi Ummadda u Geeystay, Bal eega
Sawirka Dowladda Cusub ee
Dalka Kenya Laga Soo Dhisay oo Gacan ku Dhiigle Noqday Xildhibaan
Sharaf leh, Dambiille
Yahay Wasiir Maqaam leh, Xasuuqayaashii, Xaraan ku Naaxayaashii,
Gumaadayaashii lagu
Abaal Mariyeey oo Bilado Dahab Xabadka loo Wadda Suray, Muwaadintii
Xalaasha ahaa oo
Qiiradda iyo Aragtidda Wadaniyadeed, Qoomiyadeed, Qarameed
lahaana Banaanka la
Dhigay oo laga Dhaariyeey Qabashadda Xil Qaran iyo ka Qeyb
Qaadashadda Hanaanka
Taladda Dalka iyo Dadka Somaaliyeed, Waa Ayaan Darro iyo Waa
Madoow oo sii Xojinaaya
Dhibkii iyo Dayacii 15-ka Sano lagu Soo Jiray.
Waxba Faa,iido ma Keeneeyso Qab-qabsashadda iyo is Eedeeynta
Jaaliyadda Debedda
ku Nooli ku Sameeyno Shakhsiyaad Gaar ah oo eey Dhici Karto
eey Gacan ku Leeyihiin
Xasuuqyo ama Tacadiyo Dhacy ama laga Been Abuuro, Waxeey Arrintu
ku Haboon tahay
Helidda Hanaan iyo Hab Sifadiisa Sharciyeed leh oo lagula
Xisaabtamaayo Dhammaan
Gacan ku Dhiiglayaasha Somaaliyeed, inta laga Helaayo Golaha
Cadaalad ama Golaha
Gaarka ah ee u Xil Saaran Baaritaanka iyo Xaqiiqo Raadinta,
Anigu Shakhsiyan Waxaan
Si weyn u Taageersanay in Cadaaladda la Hor-keeno Dhammaanta
Kuwii Falalka iyo Ficilada
Xadgudub Ummadda u Geeystay Kuwii Rajiimkii iyo Kuwa Xiliga
Dagaaladda Sokeeyeba,
Eeyna Arrintu Noqoto Mid Hanaan Cadaaladeed ku Dhisan oo Isla
Markaana Xuquuqdda
Qofka la Illaalinaayo.
Gunaanadka Maqaalkan Ayaa ah Waa Maxeey Faa,iidadda laga Sugaayaa
kuwa Sifooyinkaas
Leh oo ku Faanaaya Magacyadda Noocaas ah iyo Xumaanta iyo
Afcaashadda Sheydaaniga
ah, kana Fogaaday Wanaagii, Samaantii, Camalkii Suubanaa iyo
Illaalinta Xuquuqdda iyo
Cadaalad ku Maamulidda Dadkooda, Kuwa Doortay Duminta iyo
Dayaca Dalkooda, Kuwa
Daneeya ama Abaabulo Colaada iyo Dagaaladda Dhiiga Dadka Somaaliyeed
ku Daadanaayo,
Kuwa Xaraanta, Dhaca, Isbaaradda iyo Falalka Xun Xun ku Hayo
Ummadda Somaaliyeed Gaar
ahaan Haweenka Xurmadda, Sharafta iyo Qadarinta Mudan, Kuwa
Taladoodu Noqotay in eey
Sheegaan si Joogto ahna ugu Dhawaaqaan Hadaladda Af-lagaadadda
iyo Dhaqanka Xumadda
ku Dhisan Iyo Kuwa Cadowgga Raacay, Garabka Saaray, Garasho
Diiday, Taladda Qaadan,
Tigreey La Duuban, ama Kuwa Dantooda Eegta, Dilaal ku Noosha,
Dadkii Af-duubay,Qoriga
Qiil Ka Yeeshay, Qaranka Diidan, Khasaaro Doonka, Dulmiga
Raacsan, Dadyoow Bal Eega,
Dadyoow Bal Eega, Dayoow Bal Eega Duliga Yaal Dalkeeni Hooyo.
-Alla Mahad Leh-
-Qorre-Xassan C/Laahi Sheekh(Xassan Carab)-
-Huddersfield-England-
-sharifhassan50@yahoo.com-
-sharifhassan50@hotmail.co.uk-
| |
