|
Wanka
Macasha Ii Qabo, Adigu Qoowrac Ii Mari, Dhiigana Aan Muudsado.
(X.Carab)
Marka
Munaasabadda Sanadka Cusub ee Fooda inagu soo hayo 2006-ka
waxaan Ummadda Somaaliyeed Alle uga rajeeyeey kheeyr, barwaaqo
iyo Raxmad fiican, Nabadgelyo iyo Badbaado aduunka ah iyo
hanasahada Dowlada Cadaalad, sinaan iyo Xaq soorid ku Dhisan,
Aamiin.
Sanadkan Dhammaadka ah 2005 waxaan shebekadaha Somaaliyeed
ku soo Bandhigay boqolaal maqaalo ah iyo qormooyin ka hadlaayeey
arrimo kala duwan oo khuseeya xaaladaha qalafsan, duruufaha
adag iyo jaha wareerka ka jira dalka Hooyo, si qeexan asluub
qoraal iyo anshaxa leh, hufnanta qoolka iyo xurmadda Ummadeed
ayaan u tilmaamay dhibaatooyinka, xadgudubyada, xasuuqyadda
iyo falalka tacadiyada ah ee ummada loo geeystay, welina lagu
hayo, qabqablayaasha iyo taageerayashooda dulmiga wada, xufuleeysiga
xaaranta ku dhisan, golayaasha Ben-beenta ah iyo dowladda
maraar saarka ah, dayaca iyo qafaadka heysta Dadaka Qaxootiga
ah iyo danta, qurba jooga durbaanada colaada iyo xumaanta
wada iyo Maalqabeenada dhaca iyo xaaranta ka taajiray, daneeysiga
laga doonta dantii guud iyo qaranimadii, qabyaalad adeegsiga
Qiimaha la siiyeey,Qalinkeeyga ayaa dhigay Xuruufo waaweyn
ku qeexay Talooyin, Tusaaleen iyo Ereyo Hanuunin ah,Waxaan
Halkan Mahad uga Soo Jeedinaayaa Akhristaayaasha Sharaf weyn
iga Mudan iyo Maamulka Shebekadaha Somaaliyeed ee sida Wacan
u soo daabacay Guud ahaanba Maqaaladeydii.
Qormada Maanta ayaa ku saleeysan xaalada dhibteeda leh ee
ka jirta P/Land iyo Sida Hantida guud loo dhacaayo, loogu
raraayo jowhar iyo C/laahi ini Yuusuf iyo Xulafadiisa Fadhiya
Jowhar, halka eey ka ooman yihin dadka reer P/Land, Cashuurta
eey Soo Saaran waxaa haboon in eey Gasho Degaankooda looguna
adeego dadka lagu Habeeyo-Arrimaha Bulshada,Isbitaaladda-
Iskuuladda, Wadooyinka iyo Biyaha Cabitaanka oo Baahida weyn
loo qabo, logu sugo nabadgelyada gacanta ka baxeysa iyo mushaaharka
Shaqaalaha Maamulka Dhoowrka Bilood waxba qaadan iyo guud
ahaanba Howlaha horumarinta Maamul goboleedka P/Land, kaalmeeynta
iyo Caawinta Dadka Abaaruhu Bara-kiciyeen iyo bad-jariirkii
Xeebaha Barri.
Dowladda Federaalka Somaaliyeed xaq uma laha waqtigan in eey
cashuur iyo kaalmo dhaqaale u soo doonto P/Land iyo meel kale
toona, balse waa in eey ku Tashataa oo abuurahaa ilo dhaqaale
iyo kaalmo caalmi, waa in eey la timaamaa hab maamul oo wanaagsan
yo hanaan halinta khilaafaadka, laakiin caqliga ma geli karto
in eey dhacdo, boobto Hanti iyo Mushaarka Sahqaalaha P/Land,
kuwa Gacanta ku siiyeey Arrintaasna waa shakhsiyaad khaayiniin
ah, burcad xulufo la ah C/Laahi iyo Geedi, Shacabka Reer P/Land
waxaa la gudboon in eey hurdada ka Kacaan, xuquuqdooda illaashadaan,
hantidooda xafidaan, maamulkana sida ku Haboon ula Xisaabtamaan,
Weli Nin Hurdoow Haloowday Dantaa.
Meesha Isbitaaladii Dayacan Yihiin, Iskuuladii Khariban Yihiin,
Wadooyin Jirin, Biyo La,aan Weyni ka jirto, Shaqaalihii Mushaahar
la,yahay, Wayaabihii Aasaasiga ahaa Dhammaan Dyacan yihiin
Dib u dhac iyo Maamul Xumo weyni ka Jirto iyo Raxan Tuug ah
oo Kuraasta Iska Fadhida Wasiiro iyo Xildhibaano ku Magacaaban
iyo Hogaan Aqoon Xumo iyo Caafimaad Daro heyso, miyaa laga
Sugaayaa wax wanaagsan iyo Talaabooyin dhinka Horumarka iyo
Jihada Wanaagsan ku aadan oo ku Saleeya ama Ku Shaqeeya ka
duulida Danaha Dadka iyo Maslaxa Guud, u adeega Bulshada iyo
Dib u dhiska Dalka si loogu sahamiyo mustaqbal wanaagsan Ubadka
iyo dhalinyarada oo ah hogaanka Mustaqbalka, Shacab hurdo
dheer ku jiro oo gaajeeysan, dhiban oo Weliba taageeraayo
kuwa aan wax faa,iido ah u wadan, beelnimo iyo qabyaalad xumi
qalbiga iyo damiirka ka wadda gashay, cudur aan dawo laheyn
hayo in uu meel gaaro haka sugin, hanaan wacan iyo habsami
maamul haka sugin raxanta meesha joogta, Xassan Carana haka
Sugin Been iyo Dulmi Taageerid, Xaqiiqo Daboolid iyo Xumaan
u Hiilin.
-Alla Mahad Leh-
-Qorre-Xassan C/Laahi Sheekh(Xassan Carab)-
-Huddersfield- England-
-sharifhassan50@yahoo.com.
| |
