|
Kaluunka
Gabaygan waxa uu ka mid ahaa buuggii qaayaha lahaa ee "Aqoondarro waa u nacab jacayl" oo uu qoray, Allah how naxariistee, Faarax M. J. Cawl;
qisadii jacaylkii dhexmaray Calimaax iyo Cawrala. Waxa uu gabaygani ka hadlayaa qiimaha iyo wanaaga kalluunka hodonka ku ah xeebaha Soomaalida, soomaalida
sidaynan munaafacaadkaas uga faa idaysan.
Kalluunkeenu waa sacoobaanka iyo, soddon kun oo jaade
Seerseer macaanow Tebediinku waa, ugu sarreeyaaye
Oo sallalaahu Nebigii ayaa, seef ku gowracaye
Saxal iyo abaar kuma kacdiyo, sama kaliileede
Ma saanyado col duulaa hadduu, sarida kuu deexan
Saxar cuduri saymaha adduun, abid ma saysaansho
Ninkiise saansaanyaha yaqaan iyo badaha saamkooda
Oo subaxdii horeetaba kacoo, seebka taranteersha
Waa sahay daleelaha u taal, saacad dabadeede
Nin saboola iyo maalqabeen baa, sadho dhextaallaaye
Waxse loo simay waa kalluun, sebi un baa mooge
Waxa uu nafaqo siinayaa, jiidh solmoo tegaye
Badda Saylac Saaxiyo Berbera, tan iyo Seyhaaba
Waxa sare iyo hoos ku jira, waa sareedada'e
Soomaali baan garan intay, silic ku noolayde.
ILLAHAY naxariistii jano ha ka waarbiyo marxuumka. aamiin
| 
