|
War
Saxaafadeed: Wax Garadka Beesha Leelkase ee Degmada Gaalkacyo.
31/DEC/05
Kadib Hadalkii la yaabka
lahaa ee ka soo yeeray gudoomiyaha degmada Gaalkacyo waxay
beesha leelkase isugu timid kulan wada tashi ah oo ay kaga
arinsanaysay waxay ka yeeli lahayd hadalkii riyo maalmeedka
ahaa ee ka soo yeeray Xuseen Jaamac Yabaq, kuna saabsanaa
qaybinta maamulka degmada gaalkacyo. shirkaas oo la iskula
soo qaaday arimo badan oo quseeya guud ahaan gobolka mudug
gaar ahaan degmada gaalkacyo iyo maamul u samaynteeda, ayaa
la isku raacay qodobadda soo socda.
1)
Beesha leelkase waxay gabi ahaanba kala laabatay taageeradii
ay u haysay maamulka degmada iyo guud ahaanba maamulka gobolka,
waxayna si toos ah u joojisay canshuurtii ay bixin jirtay
beeshu ee degmada gaalkacyo.
2)
Waxay beeshu qaadi doontaa tilaabo kasta oo beeshu xal u aragto
kuna gaarayso hadafkeeda siyaasadeed ee mustaqbalka
3)
Beeshu waxay shir deg deg ah ka yeelanaysaa guud ahaan siyaasada
maamulka puntland.
4)
Beeshu
waxay ugu baaqaysaa madaxweynaha MGP iyo baarlamaanka MGP
in ay si deg deg ah u soo fara galiyaan qalalaasaha siyaasadeed
iyo kan amni ee ka jira degmada gaalkacyo.
5
)
Beeshu waxay soo dhaweynaysaa cidkasta iyo beelkasta oo doonaysa
in xal la gaaro.
qodobadaan
waxay dhaqan galayaan laga bilaabo maalinta go'aankaan la
qaatay oo ah
30/12/05.
Wixii
intaas dheer waxaad kala soo xiriirikartaa, A.M.Maxamuud:
garsoor05@hotmail.co.uk
| 
