|
CEERIGAABO:- Dalkeenna wax
ugu mudan Ceerigaab uguna maag dheere. 04/OCT/05
Muuqaalka sare ee Ceerigaabo
Ceergaabo: magaalada Ceergaabo waxa ay dhacdaa barta
10.62 digrii loolka Waqooyi iyo dhigta 48.37 digrii Bari .
waxay dhanka Bari ka xigtaa magaalada Burco fogaan ah 384km,
magaalada Badhanna dhanka Woqooyi fogaan ah 120km.
Waana caasimada gobolka Sanaag tan iyo 1973kii, juqraafi ahaan
meesha ay ku taal waa meel buuraley ah waxayna nasiib u heshay
in buurta ugu dheer soomaaliya ee surad ay dhawr kilo mitir
u jirsato.
Cimilada Magaalada Ceergaabo ayaa ah mid qabow ah ayna xiliyada
banaha ah kusoo fariisato dhado iyo cayr yaamo, waa magaalo
dhirta iyo ubaxyada kala nooc nooca ah caan ku ah qurux deeda
layaab ka lehna kusoo jiidata dadka dal xiisayaasha ah. Waxana
dawladdii hore ka dhistay warshadda Qoriga oo aan waxba ka
danbeyn dawladdii, si weynna loogaga faa'iideysan jirey samaynta
qalabka kala duwan ee filinjarka oo laga samayn jirey Dayibka
caanka ku ah buuraleyda Golis.
Buurta iyo Geela
Dadka ku nool ayaa lagu qiyaasay ilaa 60kun oo qof, waxaana
kuxeeran dhul beereed siwayn usoo galiya khudaarta kaladuwan
magaalada waxa kuyaal 18 masaajid oo lix kamid ah yihiin masjid
Jaamac, sadex dugsi dhexe iyo hal dugsi sare iyo 2 machad
, bulshada ku dhaqan magalada Ceerigaabo waxa dhibaato ku
haya labo qodob oo kala ah:
1. Qaadka oo si xad dhaaf ah u yimaada, keenana dhibaato
xaga dhaqaalaha ah , kana saara lacag ka badan $ 8000 maalin
kasta iyo dhibaato xagga caafimaadka ah , taasna waxaad ka
arkaysaa inay aad ugu badan yihiin dadka qaba xanuunka macaanka
iyo neerfaha iyo dadka qaba xanuunada dhimirka.
2. Nadaamka afar beeloodka oo caqabad weyn ku haya horumarka
magaalada, kaas oo ah nadaamka qabaliga ah ee wax lagu qaybsado
ama wax lagu xaliyo. Waxaadna arkaysaa maalin walba beel ayaa
xanaaqsan oo ay noqonaysaa in laga tanaasulo ama wax la qaban
lahaa la dhaafo reer hebel baa ka xumaanaya, ama waxaan la
aqbalayn loo aqbalo raali galin awgeed.
Waxyaalaha la taaban karo waxaa ka mid ah shirkadaha is gaar
siinta oo ah saddex shir kadood oo taleefano ah, sadexduba
waxa ay magaalada siiyaan koroto joogto ah habeen iyo maalin
.
Nidaamka biyaha ayaa la iisheegay in dhawaan talaabo hore
loo qaaday in kastoo aan sidii larabay aanay biyuhu u gaar
siis nayn hadana biyo macaan oo xarumo xaafadaha ku yaal laga
dhaansado ayaa magaaladu is ticmaashaa .
Magaalada Ceergaabo waxa ku yaal garoon diyaaradeed oo Caalami
ah oo ay isticmaalaan shirkada diyaaradaha ee gaarka loo leeyahay,
isuguna jira kuwo rikaabka qaada iyo kuwa keena Qaadka. magaalada
hadaad dhex marto waxaad arkaysaa inuu weli ka muuqdo burburkii
guryaha ee raadka u ahaa dagaaladii sokeeye, taas oo ku tudsinaysa
abaabul la' aanta bulshada magaalada Ceerigaabo gudeheeda
iyo bulshada reer Ceergaabo ee dibadda ku maqanba , sababtoo
ah meelaha dunsan waxaa u badan guryihii dawlada ee ay ahayd
in bulshada looga faa'iideeyo.
Halku dhegga qormadaydan ayaa ah gabay uu lixdameeyadii Tiriyey
abwaankii caanka ahaa ee reer Ceergaabo Xaaji Aadan Af-qallooc,
oo markaas dadka ku baraarujinayey waxqabadka iyo horumarinta
degmada Ceergaabo, ilaa xilligaasna waxa jirey dad aad u yar
oo u xusul duubayey horumarinta degmada Ceergaabo , balse
weli reer Ceergaabo Hurada kama toosin , mana arkin sida magaalooyinkii
kale ay uga hormareen . Lamana saadaalin karo goorta waagu
u beryayo !!!!.
Waxaa soo diyaariyey Wargeyska
Calmadow
| 
